8 Tips Mudik Basapida Mutur

1. Pastiakan ada kada sapida muturnya. Mun kada da, ya bataksi ai. Mun asa rajin, bajalan batis ja. 2. Rim dipariksa. Jangan Nkat marim pakai batis. 3. Pariksa rantai masih ada atau kada, siapa tau sudah hilang. 4. Spion jangan kada ingat. Gasan bacaramin salama di parjalanan lawan gasan maitihi buhan satrup-manyatrup masih hajak kah di belakang. 5. Pakailah helem SNI, Biar pian bagawi di tambang, jangan baarai mudik pakai helem karyawan nang warnanya kuning-kuning tu. 6. Bawa barang-barang yang ringkas dan panting haja. Barang-barang macam tilam, tabung gas, mija kamputar, asbar, lawan ranjang kada usah dibawa. 7. Bawa kandaraannya dangan kacapatan 40-70km/jam haja. Kada usah laju-laju sampai 120km/jam. Kalajuan sampai kampung, paling disuruh batungkah kayu amun kada, mamantat gatah. 8. Salama di parjalanan, bakalakuan sawajarnya haja. Jangan pina balabihan pakai sagala balapas tangan, jamping, badiri di lapak, atau batutup mata. Kalu kaina kada kawa umpat sambahyang hari raya.